【Emily】陳學鋒話示威完收錢 許智峯告誹謗
[2020.07.07] 發表
【明報專訊】民主黨立法會議員許智峯上個禮拜五(3日)突然入稟區域法院，控告民建聯成員、中西區議會前副主席陳學鋒誹謗，仲要法庭下令禁止陳學鋒或佢嘅代理人發表或刊登相關言論，以及要求陳學鋒賠償、支付訟費及利息。
由於入稟狀無講究竟咩事，Emily打電話畀許智峯，許智峯話件事源於今年3月佢嘅黨友、中西區議會主席鄭麗琼被捕，當時一眾黨友喺警署外湊數為鄭麗琼交保釋金時，畀人拍咗片。陳學鋒喺faceook上載有關片段，仲留言話許智峯示威完收錢。
許：控告係希望佢道歉刪帖
許智峯話，件事對佢無咩構成困擾，入稟狀都無列明索償額，但就認為「一個政治人物講嘢要有事實基礎」。佢喺5月發過律師信，寄到陳學鋒嘅辦公室地址，要求移除相關帖子；又話控告陳學鋒誹謗，係希望對方道歉同移除帖子，藉此懲誡對方。
Emily噚晚喺「陳學鋒地區服務處」嘅fb帳戶內，就仲見到嗰段片。
更多港聞
【Emily】破九西2：4格局 梁美芬：靠新選民
【明報專訊】立法會選舉9月舉行，今個月18號就進入提名期，經民聯梁美芬噚日同記者見面，分析一下有6席嘅九龍西選情。梁美芬2008年起當選九龍... 詳情
IB港23狀元 男拔佔3 榜眼決留港：更同聲同氣
【明報專訊】國際文憑大學預科課程（IBDP）昨日放榜，疫情下今年IBDP取消公開試，改以校內評估、學校成績等計分。本港今年誕下23名狀元（取... 詳情
相關新聞
