【Emily】吳文遠牆內過生日 自嘲「叉燒」多謝媽咪
[2021.12.28] 發表
【明報專訊】人稱「大將軍」嘅社民連秘書長吳文遠，以前坐過監，但未試過喺獄中過生日。噚日(27號)係佢45歲牛一，正因為前年10．1同10．20非法集結案服刑嘅佢，個人facebook上載一段入獄前預錄嘅影片，文遠分享生日感言，包括感謝阿媽有咁大勇氣，生咗佢呢嚿「番薯」、「叉燒」，自我形容呢嚿「叉燒」都算經典，因為以前都係「大喊拾」，但呢十幾年一直做咗啲阿媽估唔到阿仔會做嘅嘢，包括坐監，所以一定要多謝佢。
入獄前預錄 向在囚手足家人致敬
文遠仲大讚阿媽厲害，雖然身形細細粒，平時零殺傷力，但遇到突發事就會貓仔變老虎，話唔止一次重案組上門拍門要拉人，阿媽好自然地將重案組嚇窒，笑稱因為阿媽真係太厲害喇，所以自己𠵱家咁樣都唔可以全部怪佢，因為遺傳咗阿媽嘅基因。
點解生日要拍片？除咗多謝阿媽，文遠講笑話想刷吓存在感，話咁多年都無乜點慶生，「(生日)盡可能都係靜靜地過，因為對我嚟講只是any other day」。
佢同時話香港處於高氣壓，覺得監獄外手足嘅家屬、親友，比坐監嘅人更辛苦，因為坐監嘅人除咗冇乜自由，毋須為抉擇而煩惱，反而監獄外嘅人好多冇咗經濟支柱，要為生活奔波，有啲小朋友會掛念父母親，所以想藉呢條片向在囚抗爭者嘅家人致敬，亦希望大家支持在囚手足嘅Patreon。
更多港聞
【Emily】運動員賽馬日首辦 李慧詩下注$20
【明報專訊】香港賽馬會噚日首次舉辦香港精英運動員賽馬日，以表揚香港運動員傑出表現，以及慶賀香港體育學院成立30周年，多名精英運動員聚首一堂。... 詳情
【Emily】睇軒仔個唱憶童年辛酸 江玉歡：永不忘基層
【明報專訊】候任立法會議員趁機放假鬆一鬆，喺選委會界別勝出嘅江玉歡（Doreen，圖）前晚去咗睇張敬軒演唱會，聽到張敬軒唱On My Way... 詳情
相關新聞
