【Emily】稱兩人因在港升學難故留學 兩子已回流 譚耀宗：佢哋愛國愛港
[2023.02.28] 發表
【明報專訊】早前有傳媒報道，全國人大常委譚耀宗兩個仔住喺澳洲，有埋澳洲護照，引發爭議。佢噚日接受港台訪問就話，兩個仔已經返回香港，強調佢哋立場堅定，都愛國愛港。譚耀宗又話「仔大仔世界」，唔會干涉佢哋生活，早前兩個仔因為香港升學難就去咗外國讀書，𠵱家佢哋樂意回港，都係佢哋自己嘅選擇。
譚耀宗舊年宣布因「年齡原因」不再尋求連任。佢噚日透露，舊年被傳媒追問會唔會連任時，有考慮過連任一事，但舊年6月底感染新冠病毒，感到年紀不輕，又話過去經常要去北京開會，新冠疫情期間又要花時間隔離，工作「好吃力」，都係決定卸任，予他人機會。譚sir都講到卸任時中央曾挽留，最後都尊重同明白佢嘅決定。
指卸任人代時中央挽留
不會請求美國撤制裁
美國財政部喺2021年初公布制裁名單，譚耀宗喺名單內。譚耀宗認為，任期內所有工作中，《港區國安法》最具爭議，但話對香港係有正面影響，對於有言論指佢急於卸任係因為美國制裁，譚sir就話，卸任後都唔會請求美方撤銷制裁，譴責美國政府做法霸凌，「根本不合理」。
新一屆人大會議3月初於北京舉行，特首李家超噚日同30幾名港區人代會面，譚耀宗都有出席。李家超話人代肩負重任，政府會加強與人代聯繫，團結各界，提升「愛國者治港」嘅力量和價值。
更多港聞
【Emily】調查：35%人指立假資訊法損一國兩制
【明報專訊】民主思路噚日（27日）公布最新一國兩制指數及相關民意調查，話35.1%受訪者認為政府就虛假資訊立法對一國兩制有負面影響，24.4... 詳情
【Emily】兩政助應邀視察打鼓嶺垃圾「棄置天堂」
【明報專訊】今屆政府話重視垃圾問題，仲由副政務司長卓永興主理清潔事務。立法會議員、打鼓嶺區鄉事委員會主席陳月明就話，打鼓嶺地區人口在增加，又... 詳情
【明報專訊】以市價五一折推售嘅今期居屋於去年11月15日起開始揀樓，至噚日正式售出全部單位。房委會話，至噚日共有9494個單位成交，當中涉及...
詳情
【Emily】港生送地震慰問卡 土耳其領館：我們愛你
【明報專訊】土耳其本月初發生大地震，至今累計造成4萬多人死亡，重建之路仍遙遠。土耳其駐港總領事館喺facebook話，收到香港優才（楊殷有娣... 詳情相關新聞
