【Emily】李慧詩鼓勵炒車選手明年再戰 盼更多「單車友好」道路助練兵
[2023.10.24] 發表
【明報專訊】香港單車節前日舉行，今年中宣布退役嘅「牛下女車神」李慧詩(Sarah)亦有參加50公里組項目，仲參加埋「環粵港澳大灣區城市自行車挑戰賽公路組」。當日大灣區賽事多名選手炒車，Sarah噚日就喺facebook報平安，又話單車比賽有車手擦傷，同馬拉松比賽有選手抽筋一樣常見。對於傳媒焦點集中喺單車節意外，而非國際賽同50公里賽事上，佢話感到無奈同遺憾。
曾經喺唔同國際賽事經歷高低起跌嘅Sarah鼓勵單車手：「今年摔了，無論是什麼原因，都希望大家慢慢放下，積極恢復訓練，明年再來挑戰！」她又希望單車節後，香港會有更多比賽同單車友好道路開放，畀單車手練練兵。
灣區賽 對自己表現唔滿意
李慧詩形容喺50公里組項目騎行三隧三橋係一趟神奇之旅，要停嘅燈唔使停，唔准拐嘅路都能拐，無左上右下之分，跟住大會指示，騎要騎嘅路。至於女子繞圈賽(即大灣區賽事)，佢話原先目標係前八，但最後因為上坡時錯判而引起肌肉反應，最終終點前無勁衝，對自己表現有啲唔滿意，希望下次做得更好。
更多港聞
【Emily】施政報告明出爐 李班子戴知專師生設計綠領呔領巾
【明報專訊】特首李家超聽日會發表任內第二份《施政報告》。為咗配合封面採用嘅綠色，佢喺facebook表示，屆時將會同一眾官員穿戴由香港知專設... 詳情
【明報專訊】政府提出修例檢討的士服務，噚日立法會議員江玉歡同田北辰，不約而同喺社交媒體話應該檢討規管的士服務。其中江玉歡話，周日喺尖沙嘴街頭...
詳情
【明報專訊】闊別5年，「美酒佳餚巡禮」將喺今個星期四起一連4日（26日至29日）再次喺中環海濱舉行，入場費會因應日子、時段而唔同，分別係20...
詳情
相關新聞
