【Emily】人才辦開班教抵港人才粵語
[2024.04.13] 發表
【明報專訊】唔少來港人才面對言語困難，聽唔明又唔識講廣東話。香港人才服務辦公室噚日話已經開始為抵港人才舉辦「初級粵語體驗課」，協助佢哋融入香港社區。課程內容包括介紹粵語知識，並透過對話訓練掌握日常應用同技巧。首兩節體驗課已經喺星期三(10日)同噚日舉行，由人才辦嘅合作伙伴機構安排導師授課。
人才辦話政府舊年11月就高才通計劃簽證抵港超過6個月嘅人才做跟進調查，結果顯示唔少來港人才希望學粵語，認識本地生活同文化。
人才辦上月起亦同合作伙伴定期舉辦主題研討會同工作坊，圍繞求職、創業、教育、住房、生活百科同埋粵語學習等主題，噚日下晝有關生活百科同醫療資訊嘅專題講座都增設線上模式，方便人才參與。
更多港聞
【Emily】小學拍外籍生融港 外交公署短片賽奪冠
【明報專訊】外交部駐港特派員公署舉辦嘅第二屆「我的香港故事」英文短視頻大賽噚日頒獎，今次比賽歷時5個月，收到近100份投稿，冠軍由油蔴地街坊... 詳情相關新聞
