【Emily】周守仁：新教宗去過中國 同期升樞機 讚良十四世願聆聽
[2025.05.14] 發表
【明報專訊】梵蒂岡選出新一任教宗良十四世，投完票嘅天主教香港教區主教周守仁留喺當地，準備出席教宗嘅就職彌撒，其間接受天主教香港教區青年嘅新媒體平台「沸點」訪問，透露新教宗認識中國、去過中國，「對中國唔係完全無知」，但日後都需要聆聽多啲，因為中國教會同國內情况，唔同人有唔同睇法，「我都會用我嘅方法表達出來」。
周守仁同良十四世同期擢升樞機，周形容新任教宗好低調，唔係「萬世巨星」形象嘅人，而且好願意聆聽，亦好清楚自己聽完後要點做。佢又話，點票當日點到對方有89票，即三分之二選票時，佢直頭想拍手掌。
赴「教宗選戰」投票 笑言聽唔明
成個教宗選舉會議過程，好多時用拉丁文或意大利文，周守仁話佢聽唔明，唯有問隔籬左右。到閉幕彌撒時，教宗一開始講咗幾句英文，周守仁就講笑話，當時聽到幾句英文都好感恩，不過西斯汀教堂嘅收音好散，佢事後睇報道先知教宗講咩。
周守仁話，選舉過程隔絕晒所有Wi-Fi同手機信號，連平板電腦、智能手表都唔用得，仲要放入膠袋密封。佢話第一晚就好唔適應，因為房間入面無鬧鐘，佢差唔多每個鐘起身一次，去隔籬客廳睇時間，以免瞓過龍錯過選前彌撒。
更多港聞
【Emily】故宮館×故宮院 光影下「紋」以載道
【明報專訊】香港故宮文化博物館同北京嘅故宮博物院合辦「『紋』以載道——故宮博物院沉浸式數字體驗展」，以「故宮紋樣」做主題，提取故宮建築、陶瓷... 詳情
【明報專訊】漁護署更新從內地進口貓狗嘅檢疫安排，下月3日起，由內地進口嘅貓狗只要符合相關檢疫規定，並持有由內地官方獸醫簽發嘅動物衛生證書，抵...
詳情
【Emily】議員「出巡」觀塘 睇智能製衣食蛋撻王
【明報專訊】立法會鞏固及促進九龍東第二核心商業區相關政策事宜小組委員會，噚日去觀塘兩間本地企業參觀，一間係紡織製衣公司，另一間係蛋撻王，睇佢... 詳情相關新聞
