【Emily】新總部月前啟用 航空青年團引1：1直升機飛行模擬器
[2025.05.19] 發表
【明報專訊】制服團隊香港航空青年團早前獲分配灣仔肇輝臺一舊校舍，成為青年團新總部暨訓練中心。青年團話經過一年多改建，新總部3月已正式啟用，12間課室變成多用途室、會議室等，供團員學習和訓練，對年輕人嚟講，最大亮點係總部引入多部飛行模擬器，包括一部一比一全動向直升機模擬器。
料更多港青接觸航天事業
香港航空青年團行動部副主管蔡啟邦話，隨着香港積極參與大灣區發展，預期青年會有更多機會接觸航空或航天事業，青年團新總部設施及各項飛行模擬器可以提升學員對航空專業嘅認識。
政府飛行服務隊署理高級機師余海斌就話，學員可以好近距離接觸直升機、定翼機，亦可更實際地認識飛行服務隊工作，學到一啲簡單飛行理論；青年團會從中挑選有潛質並對航空特別有興趣嘅團員嘗試使用模擬器。佢話整個航空業有好多唔同嘅工作選擇，除咗飛機師，仲可以成為維修人員或負責航空管制，話航空業工作有好多可能。余海斌仲話飛行服務隊有超過一成現職飛行人員曾經係青年團團員。
香港航空青年團之前一直無自己嘅訓練中心，至2023年敲定灣仔舊校舍改建做總部，並喺2024年4月成為飛行服務隊資助嘅青少年制服團隊。
更多港聞
【Emily】母乳庫已惠90嬰 捐贈者冀盡綿力
【明報專訊】今日係一年一度嘅「國際捐贈母乳日」。香港首個母乳庫1月成立，醫管局話截至本月16號已有230幾名登記母乳捐贈者，收集咗超過800... 詳情
【Emily】榕樹頭節 推木頭車運生果賽有選舉
【明報專訊】油麻地街坊會聯同區內多個商會主辦嘅「第六屆油麻地榕樹頭節2025」噚日舉行，重頭戲係果欄木頭車競技賽，觀眾見證參加者扮鬼扮馬「生... 詳情
【Emily】虎豹別墅導賞增VR 胡仙現身活動
【明報專訊】大坑虎豹別墅開放畀公眾參觀，並引入「虛擬實境：萬金油花園『十王殿』展覽」，成為虎豹別墅導賞活動其中一個環節。主辦單位上周搞咗個活... 詳情
【Emily】申訴署網移除部分報告後發文 申訴專員赴非開會「展港由治及興」
【明報專訊】本報上周獨家報道，負責督促各政府部門增透明度、處理《公開資料守則》投訴嘅申訴專員公署早前更新網站，移除大量調查政府部門嘅報告及資... 詳情
相關新聞
