【Emily】黃鳳嫺：卸任無關農夫山泉事件 稱消委料更多人瀏覽網站 已擴容量
[2025.05.27] 發表
【明報專訊】黃鳳嫺(Gilly)月初卸下消費者委員會總幹事職務，噚日接受商台《在晴朗的一天出發》訪問回顧工作點滴。佢話覺得𠵱家係交接好時機，強調「絕對絕對唔係」同上年嘅農夫山泉事件有關。
消委會舊年7月發布市面瓶裝水測試結果，發現農夫山泉樣本檢出嘅溴酸鹽達歐盟上限，農夫山泉出律師信指測試有三大錯誤，之後消委會將樣本分類由「天然礦泉水」改為「飲用天然水」並重新評分。Gilly話，消委會出咗錯，所以要糾正，係一如既往嘅處理方式，亦符合開誠布公、公平公正原則。
兩患感冒 重思人生決定「唞吓」
Gilly透露在任期間放病假少過10日，不過今年2月起感冒咗兩次，更失聲一周，呢啲「小徵兆」令佢重新思考人生，最終決定「唞吓」，形容係「圓滿嘅完結」。
對於同樣係法定機構嘅申訴專員公署近日將2023年之前嘅調查報告等喺網頁下架，Gilly話佢離任後參加氣功班，「閉關」8日無睇新聞，不過就分享話消委會早前預計會有更多市民瀏覽網站，所以已經增大網站容量，又強調要做好「IT governance(資訊科技管治)」；至於「舊到擺上網都無人睇」嘅報告就存檔，市民想查閱可提出申請。
回顧12年總幹事生涯，Gilly話最難忘係關於醫學美容嘅報告，同埋「牛丸無牛」嘅丸類檢測，笑言後者測試好難做。她以「感恩」二字總結，慶幸自己「守得住間舖」。
更多港聞
【Emily】海洋公園樽鼻海豚Rita病逝 終年24
【明報專訊】海洋公園宣布園內24歲嘅雌性印度太平洋樽鼻海豚Rita離世。園方話，Rita上周五（23日）開始出現疲倦、食慾不振等情况，獸醫即... 詳情
【Emily】旅發局伙多地綜藝宣傳香港 韓綜與「路不拾遺情侶」重逢
【明報專訊】旅發局經常會同世界各地嘅電視台、媒體合作宣傳香港，並協助製作團隊提供建議。最近有7套來自韓國、台灣、澳洲同英國嘅綜藝節目嚟咗香港... 詳情
【Emily】東盟領事訪立會 梁君彥率遊擴建大樓
【明報專訊】東盟10國駐港領事噚日到訪立法會，與立法會主席梁君彥及多名議員交流，並參觀立法會大樓擴建部分。梁君彥喺facebook話東盟係國... 詳情
【明報專訊】康文署泳池泳線分配、泳會參賽資格等問題舊年引起社會關注，跟進事件嘅新民黨立法會議員何敬康噚日喺facebook上載泳總會長王敏超...
詳情
相關新聞
