【Emily】法律學生將北上實習一月 傅華伶建議睇吓內地中文
[2025.06.05] 發表
【明報專訊】約40名來自3間本地法律學院嘅學生，下周出發到內地法院實習一個月，幾個法律界資深人物喺啟動禮都有建議畀同學。港大法律學院院長傅華伶話，香港法律學生對中文、中國法律同中國社會認知相對不足，如香港多以英文讀法律，學生中文程度麻麻，建議睇吓內地中文同中文書，日後搵工都有用；又話到內地可學吓中國科技喺生活同法律嘅運用，如內地智慧法院同律師點用人工智能。
城大法律學院院長林峰話，內地法官帶完實習同學先做法官工作，時間未必好多，寄語同學多發問。佢又慨嘆，回顧廿幾年兩地對法制嘅互相理解仲未夠，形容了解得到就唔會發生2019年反修例事件。
終院林文瀚：
互動可建符一國最大利益法治系統
獲最高人民法院、教育部同中聯辦等支持嘅「內地法院實習項目」舉辦廿幾年，今次由香港與內地法律專業聯合會接手主辦。終院常任法官林文瀚話香港同內地法律制度唔同，但雙方都重視法治精神，需透過良性互動，可構建符合一國內最大利益嘅法治系統。
今年參與嘅港大法律生陳思齊話，所有同學都係來自香港法律界嘅種子，肩負聯繫內地同世界法律界橋樑使命。
更多港聞
【Emily】體貼照顧罕病台客 城巴車長獲嘉許
【明報專訊】輪椅人士要出門旅行唔容易，近日有一名台灣媽媽喺社交平台Threads分享，話日前帶患有罕見病、需靠輪椅行動嘅囝囝來港旅行，其間遇... 詳情
【明報專訊】唔少家長都會帶小朋友去公共圖書館睇書，民建聯立法會議員林琳話，好多圖書館都有兒童設施，但見過有小朋友一喊，管理員立即提醒唔可以喊...
詳情
【Emily】辦以物易物市集 港燈：同事尋寶 熱鬧如大笪地
【明報專訊】今日（6月5日）係聯合國「世界環境日」，港燈為響應今年主題「終結塑膠污染」，首次舉辦「以物易物」市集，為閒置物品賦予二次生命。港... 詳情
中大「免電無線鍵盤」揚威日內瓦 「智能鞋墊」不需供電蒐數據 同奪發明獎
【明報專訊】近年「綠色」生活模式愈趨普及，不少科研項目亦融入環保元素。中大機械與自動化工程學系研究團隊的「無電池無線鍵盤」及「智能鞋墊」，早... 詳情
相關新聞
