【Emily】北區微型藝術展 一眼飽覽各景點
[2025.06.28] 發表
【明報專訊】上水、粉嶺有唔少歷史建築同地區文化活動，最近北區民政處同地區團體合作喺區內商場辦「北區微型藝術展」，市民可以一眼就遊歷完各個景點，包括廖族最大祠堂《廖萬石堂》、沙頭角《麥景陶碉堡》等。
28件微型展作品栩栩如生，作品比例係1:35，以模型《麥景陶碉堡》為例，建築入面仲有邊防警察駐守！作品亦包含地區文化，如粉嶺《龍躍頭鄉十年一屆太平清醮神功戲》、沙頭角《沙頭角碼頭暨魚燈舞表演》等。
展覽係慶祝特區成立28周年活動之一，即日至7月9日(周三)喺上水匯商場舉行。
更多港聞
相關新聞
