拒邀林明禎任個唱嘉賓 呂爵安想伙胞妹合唱曬親情

拒邀林明禎任個唱嘉賓呂爵安想伙胞妹合唱曬親情

[2025.07.03] 發表

【明報專訊】MIRROR成員呂爵安(Edan)下月舉行第二次個人演唱會《EDAN LUI“e to E”LIVE 2025》，主題「e to E」，以成長為主軸，盼觀眾能看見更成熟的他，預告全數獻唱自己歌，還有一貫的talk show環節。過去一年與緋聞女友林明禎關係成焦點，呂爵安講明不會邀對方任演唱會嘉賓，妄想請周杰倫，但知無可能，反而有意邀請20歲胞妹呂蕙如(小如豬)任嘉賓，兄妹檔跳唱，又大爆小如豬埋怨跟他太似樣，搞到無拖拍。

記者：林祖傑

攝影：鍾偉茵

呂爵安表示相隔兩年再開個人演唱會，以往上台表演前會緊張到不舒服，壓力大到喉嚨痛和感冒，不識笑，直到近一年多了表演機會，才懂得享受舞台，盼今次大家見到他的從容。他回想開處男騷時，十分緊張和驚青，很擔心和好大壓力，表演得很累，「真的好似一個𡃁仔硬着頭皮去挑戰這件事，希望今次畀人睇到和上次不同，有轉變和進步，表現更成熟，正如演唱會主題『e to E』，由細楷e去到大楷E，看到我成長很多，即係大個仔喇！」

呂爵安稱這些年粉絲看着他長大，是趟很神奇的旅程，由什麼都不懂的黃毛小子開始，轉眼間在這行已7年，間中看到初出道的片段，發覺自己不知不覺間成長不少，「大家陪住我經歷很多事情，這種感覺很特別，希望能在今次演唱會讓大家看到，更加成熟和享受的呂爵安，繼續陪我成長」。

操肌備戰隨時騷身材

呂爵安透露今次個人騷和上次最大分別是齊歌，不用再選唱別人的歌，「開騷前會出新碟，終能『自肥』推出一些平時少唱的曲風，包括久違的跳唱，比之前的快歌更澎湃，亦有特別送給粉絲的歌，還有新嘗試搖滾歌曲」。他預告今次演唱會極具呂爵安特色，盡情發揮創意給大家驚喜，「會和大家比較近距離接觸，呂爵安特色是比較玩嘢，有些跳脫的念頭，仍在構思當中，上次開騷做了一段talk show，今次都想再做，會向開過talk show的前輩阿正(黃正宜)問問意見」。至於會否除衫騷肌？他說：「肌會練，要睇服裝，未話一定要脫，只想身形較弗，騷少少。」

擬獎金利誘「小如豬」

呂爵安表示一定有嘉賓，兩場不同，人選未有定案，「有心水，只可以講是我很喜歡又未合作過的歌手，如果可以梗係想請周杰倫啦，不過知道真係冇可能」。他稱獲邀的嘉賓對他來說都是重要的人，可會請緋聞女友林明禎上場？呂爵安說：「應該未必喇！(會否請她睇騷？)嗯……再算！」

問到可會考慮邀胞妹「小如豬」當嘉賓？呂爵安即表現雀躍道：「這提議幾好，但佢未必肯，如果肯就正喇！返去問吓先，我都想，因為妹妹唱歌跳舞都好犀利，真係有得諗，不過佢好怕醜，可能要畀啲獎金做動力。其實我一直都想和妹妹合作，曾問她想不想一起拍唱歌跳舞片，遭拒絕。她強調自己是普通人，話唔好搞，現在大個，佢應該都發覺避都避唔到，唯有面對現實。」

拒介紹肥腸給妹妹

呂爵安表示有問過「小如豬」想不想入行，妹妹稱沒有這個念頭，還是想做牙醫，大讚「小如豬」又乖又生性，經常幫他檢查牙齒，兄妹會互相做心理治療，什麼煩惱及壓力都會分享，互相鼓勵，「好開心長大後有這個轉變，連拍拖都會講，佢成日話冇拖拍，就係因為太似我，啲男仔見到佢都想起我，我就話加油啦！拍《膠戰》時，岑珈其成日話介紹肥腸(徐浩昌)給我妹妹，我話唔好啦！不是話肥腸唔好，而是感覺怪怪哋，好難想像」。

■更多娛樂猛料 ﹕ol.mingpao.com