【Emily】中標內地水商曾捲食安問題 李家超：招標制度嚴
[2025.08.04] 發表
【明報專訊】政府各區辦公室早前更換蒸餾水供應商，港島區同新界區嘅辦公室轉用內地品牌飲用水，當中有品牌嘅製造商於內地曾捲入食安問題。特首李家超噚日回應事件，話政府非常重視安全，重申招標制度嚴格，又話當局制度抽驗水質安全，「如有發覺任何不符合標準，我們可以即時取消跟它的合約關係」。
稱倘發覺不合標準 可即取消合約
Emily上周率先報道，政府辦公室最近首次轉用內地供應嘅飲用水，位於港島區同新界區嘅部門分別飲用內地品牌「鑫樂」(觀音山牌子)及「Happy喜士」，九龍區辦公室就飲本地品牌屈臣氏旗下嘅「COOL」。換水事件喺公務員圈子引起好大話題，因為以前大家飲COOL或可口可樂嘅Bonaqua，𠵱家換上不太知名嘅內地品牌。
唔少傳媒行家跟進換水事件，有人翻查資料，發現「鑫樂」旗下飲用水嘅製造商「樂百氏」，曾被指喺內地牽涉品質問題，「樂百氏」也曾被內地官媒《人民日報》旗下《健康時報》批評品質不合標準，「三年六上黑榜」。
李家超噚日被問到點樣令公務員放心飲用內地品牌蒸餾水，佢重申招標制度要求嚴格，飲用水供應商必須提供獨立實驗室嘅安全認證，中標後會不時要求供應商提交認證，當局都會主動抽驗水質。佢話香港安全標準嚴格，係「世界標準」。按物流署回覆，上一份兩年期合約總金額1.43億元，即平均每年7146萬元；剛生效嘅3年期合約總金額1.66億元，即每年平均5535萬元。
更多港聞
【Emily】旅發局孖日本旅社推大熊貓慶生遊港團
【明報專訊】下星期五（15日）係港產大熊貓龍鳳胎家姐「加加」同細佬「得得」1歲生日，佢哋出世後已吸引到各地旅客慕名而嚟探訪，旅發局聯同日本旅... 詳情
【Emily】全民運動日 李家超江旻憓玩虛擬擊劍
【明報專訊】噚日係「全民運動日」，雖然朝早一度黃雨，公眾泳池未如往年人頭湧湧，但唔少市民仍去咗各區體育館使用免費開放嘅康樂設施、參加免費康體... 詳情
【Emily】同學仔訪律師會 湯文龍：AI不會取代律師
【明報專訊】人工智能（AI）已深入各行各業，律師會會長湯文龍（Roden）前日見一批學生時話，人工智能既帶嚟機遇亦帶來挑戰，「人工智能不會取... 詳情相關新聞
