【Emily】輕鐵下月落實「貓狗同行」 長者報九巴「寵物巴士團」半價
[2025.08.21] 發表
【明報專訊】港鐵今年5月喺輕鐵推「貓狗同行」試行計劃，由於試行期間輕鐵營運維持暢順，乘客普遍支持，港鐵噚日宣布9月起正式落實計劃。另外，一眾合資格「銀髮族」帶寵物參加九巴「寵物巴士團」可享半價優惠，例如一人一寵普通票價60元，長者只需30元。
港鐵話試行計劃推出以嚟，超過1300名乘客購買「貓狗同行證」，港鐵亦訪問攜帶寵物及非寵物主人嘅乘客，意見調查反映九成五以上受訪者普遍給予試行計劃正面評價。落實計劃後，相關守則同試行計劃一樣，乘客仍只限周末及公眾假期帶寵物搭輕鐵、用輕鐵最後一道門上落並全程留喺車尾位置、將貓狗完全放入寵物袋等。有興趣嘅乘客可喺每月23號起登入港鐵應用程式買下一個月嘅電子「貓狗同行證」，每張證99元。
至於九巴，65歲或以上長者喺九巴應用程式報名參加本周五(22日)或以後嘅「寵物巴士團」可享半價優惠，一人一寵長者票價30元，二人一寵45元；月票一人一寵長者票價50元，二人一寵75元。
更多港聞
【Emily】反駁唔環保 啟德體育園：措施隨處可見
【明報專訊】啟德體育園因為保安理由禁止入場觀眾自備水樽，場內用即棄杯及餐具。環團綠色和平5月中去過政府總部請願，近日喺網上發起一人一信行動，... 詳情
【Emily】嗇色園推「軟餐佛跳牆」 8月壽星長者先品嘗
【明報專訊】本地多間餐廳近年相繼推出軟餐，畀有吞嚥困難者重拾食嘢樂趣。嗇色園舊年推出點心軟餐後，今年再聯同職訓局合作研發適合長者食用嘅「軟餐... 詳情
【明報專訊】今年喺抗日戰爭及二次大戰結束80周年，政制及內地事務局噚日推出專題網頁，簡介當年歷史，以及介紹由政府及民間團體舉辦嘅一系列活動。...
詳情
【Emily】香港英國教授揭「螺旋圖」星雲130年演化
【明報專訊】港大噚日公布，英國曼徹斯特大學天體物理學教授艾伯特．齊爾斯特拉教授，聯同港大太空研究實驗室主任柏坤霆教授共同發表一項研究結果，科... 詳情相關新聞
