蘇錦樑老人院唱聖誕歌
[2014.12.24] 發表
【明報專訊】聖誕節喜慶日子，好多人都會同親朋戚友一齊度過，不過唔係每個人都咁幸福，商務及經濟發展局長蘇錦樑噚日中午就同副局長梁敬國、政治助理陳百里去到灣仔一間老人院，同班長者唱吓聖誕歌、玩吓小遊戲咁。今年已經係蘇錦樑連續第三年去老人院唱聖誕歌，佢仲帶埋寓意長壽嘅麵送畀老人家。
蘇錦樑由噚日下午開始將會放大假，直至明年1月5號先返工，不過佢就唔會周圍去，選擇留港。但大家唔好誤會，局長並唔係要去「鳩嗚」，而係佢所有屋企人今個聖誕都會返香港，包括佢最錫嘅兩個孫女都會返港，蘇錦樑當然要趁聖誕享受天倫樂，過個溫馨假期，2015年再返嚟搏殺。
更多港聞
【明報專訊】聖誕期間，立法會議員都可以放個長假，噚日開始立法會都無會，直至明年再開工，其中工聯會鄧家彪，就話聖誕過後會同老婆同5歲囡囡去峇里...
詳情
相關新聞
