譚惠珠下屆唔選人大
[2015.03.14] 發表
【明報專訊】繼港區人大常委范徐麗泰話自己下屆唔會參選人大後，港區人代團長譚惠珠(圖)同傳媒茶敘時，都公布下屆唔會選，仲講到自己退休嘅生活。珠姐平時講正經事好穩陣，點知Emily講笑咁問珠姐，會唔會諗住退休搵個伴照顧吓自己？珠姐竟然話自己「又老又肥又惡無人要」。
自嘲「又老又肥又惡無人要」
珠姐準備引退，佢解釋自己都已69歲，按「七上八落」原則，係時候退休。但唔知珠姐會唔會喺2017年人代任滿時，退埋其他公職呢？珠姐上年尾被委任為廉署審查貪污委員會主席，惹來一啲爭議。不過，珠姐叫大家唔好諗咁多先，「Don't go too far.」
珠姐似乎心情好，講到自己平時鍾意食嘢，但退休之後首要做嘅係減肥，問題係佢最鍾意嘅運動，就係食嘢！雖然鍾意吃喝，珠姐就自嘲廚藝係「零下5度」！
兩會期間嘅新聞，出現咗唔少匿名「政界人士」、「權威人士」消息，珠姐趁兩會尾聲，再約傳媒敘一敘。
難得珠姐大方開名評論，Emily同埋其他行家，將坊間政改方案逐一畀珠姐點評，不過珠姐就話佢無中央嘅消息，所以答案不外乎「唔知」、「唔了解」同「無研究」。
更多港聞
【明報專訊】描述美國黑人民權領袖馬丁路德金如何公民抗命嘅電影《馬丁路德金：夢想之路》（Selma），主題曲《Glory》喺今屆奧斯卡贏得最佳...
詳情
相關新聞
