【明報專訊】有網民發起今日「十八區購物團」，至噚晚有240幾個網民響應。團體「捍衛公義，捍衛本土」今個月初發起「購物團」，之前公布行程﹕下晝3點鐘去屯門市中心食下午茶，5點鐘出發去旺角百老匯戲院睇復仇者2(《復仇者聯盟2：奧創紀元》)。其實活動專頁前晚深夜更新，話團體會改去狙擊工聯會遊行，其他參加者就可以繼續購物，不過噚日相關留言已經消失咗。 「捍衛公義，捍衛本土」噚日清晨再更新專頁，話要「孤注一擲，用盡所有糧草去購物，振興內需」，雖然佢哋暫時公布會去屯門、旺角「購物」，但有網民留言話應該去埋尖沙嘴、沙田同上水。如網民們認真去購物，唔知會唔會用埋「開心?着數大行動」啲優惠呢？
|
| |
| |
