促進中年就業 津貼擴至兼職
[2015.09.01] 發表
【明報專訊】勞工處為鼓勵老闆提供多啲合適職位空缺，令中年及年長人士有工做，由今日起擴展「中年就業計劃」，該處向僱主發放在職培訓嘅津貼範圍會擴大，由現時要求員工做全職，即每星期工作至少30小時，放寬至兼職，即每星期工作18小時至少過30小時，都可以申請津貼。老闆可以按「中年就業計劃」聘用嘅員工，申請每月最高3000元嘅培訓津貼。
勞工處喺今個月10日於樂富廣場舉辦「中高齡就業新里程招聘會」，促進中年及年長求職老友記嘅就業機會。共有15間機構參加招聘會，提供近1200個不同行業嘅全職或兼職職位，令中年及年長人士都有得揀。職位包括文員、圖書館助理、家務助理、中藥配劑員、修鞋技師、店務員、廚師、技工及司機等，參加機構會在場設置櫃位作即場招聘。
更多港聞
【明報專訊】就融樂會指有本地幼稚園以語言不通為由，不取錄少數族裔學童，平等機會委員會昨稱接獲相關投訴，並提醒幼稚園，以語言作為收生準則可能會...
詳情
相關新聞
