陳家強讚女強人順便賣廣告
[2015.09.18] 發表
【明報專訊】財經事務及庫務局長陳家強噚日出席香港工商界婦女慶祝國慶午餐會時，被主持人大讚好有魅力，令到在座嘉賓都專心聽佢演講。陳家強都好識做，讚揚香港有好多叻嘅女商人，仲乘機賣廣告，呼籲大家把握一帶一路嘅商機。
基本法委員會副主任梁愛詩亦係座上客，近日有北京官員、學者和香港法官對三權分立、《基本法》都有唔同評論，被問到點睇各種意見，詩姐話「過幾日再講」。詩姐嘅回覆咁玄妙，唔通過幾日事態又會有新發展？
午餐會上有人問陳家強可以點樣向學生推動一帶一路，曾經任科大工商管理學院院長嘅陳家強笑言，如果做回老本行，會喺校內增加多啲關於一帶一路嘅課程，以及為學生多辦一啲交流互訪。
更多港聞
【明報專訊】莊啟程預科書院繼早前有學生不滿校方強制「保底」後，再有該校學生向本報表示，不滿校方推強制「資優補習班」（拔尖班）。該校在中四及中...
詳情
【明報專訊】香港海防博物館為紀念「中國人民抗日戰爭暨世界反法西斯戰爭勝利70周年」，今日起至本月30日舉行《偉大勝利 歷史貢獻》圖片展，歡迎...
詳情
相關新聞
