地球之友孖中大收膠樽
[2015.09.25] 發表
【明報專訊】全港都識「藍廢紙、黃鋁罐、啡膠樽」，當大家做垃圾分類嘅時候，總覺得自己為環保又出咗一分力！但原來本港有九成回收商都唔收膠，因為一噸膠回收價只有1000蚊，即係好多「啡膠樽」都被送往堆填區。地球之友助理環境事務經理周月翔話，「大類收膠」好落後，唔同膠有唔同處理方法，回收商收完仲要用人手揀膠，人工仲貴過堆膠，所以同中文大學搞咗嗰「PET飲品膠樽乾淨回收行動」，只收飲品膠樽，希望提升回收率。
塑膠種類應細分
佢哋會喺中大放置專用回收桶，收集飲品膠樽。周月翔話，膠有分7種，洗頭水樽、益力多樽、水樽蓋等都用咗唔同嘅膠，若果全部當係「啡膠樽」，其實唔合理，日本分膠就分得好仔細亦好成功，所以由中大開始逐步推行。不過講到底，都係源頭減廢最實際啦。
更多港聞
【明報專訊】有家長在多個網上討論區指觀塘某小學開學首周午膳飯盒不足，致學童「輪流冇飯食」。涉事學校向本報澄清飯菜供應足夠，只是派飯過程稍有調...
詳情
【明報專訊】理工大學昨公布今年收生成績，以文憑試最佳5科計算，所有學科入學分數介乎18分（相等於44433）至35分（相等於5科5**），平...
詳情
相關新聞
