李慧琼為樹根平反 怪製作公司 民記自爆變咗「社民聯」
[2015.11.12] 發表
【明報專訊】鍾樹根參選區選嘅單張，將自己嘅英文名「Chris(Christopher)」寫成「Chirs」而被網上瘋傳；民建聯主席李慧琼(Starry)就話要幫樹根平反，將錯誤歸咎製作公司，仲話其實有部分民記兄弟姊妹都曾經差啲中招。Starry話，最離譜係試過製作公司將宣傳單張上「民建聯」及「新社聯」候選人，印成同社民連寫法相似嘅「社民聯」。咁大整蠱，唔通製作公司想搞兩黨聯婚？Starry話好彩佢哋喺出街前發現錯誤，否則實被人笑死。
Starry話，明白製作公司要喺區選支援民記百幾個候選人，承受好大壓力，不過佢認為呢種錯誤真係不能接受，因為無論邊個環節出錯，議員都要孭鑊，佢話區選後民建聯會檢討吓製作公司嘅配合問題。李慧琼都有參加區選，爭取喺九龍城土瓜灣北連任，對手有林依麗及沈泰鋒。
至於樹根，就對英文名出錯一事耿耿於懷，話今次好無辜，因為「Chirs」唔係出自佢手，事關佢已經校對過張海報第一同第二版，當時無出錯，點知最後一稿先出事。樹根噚日依然好激氣，同Emily強調「我唔會拼錯自己嘅名！」。
鍾樹根今屆區選喺東區漁灣爭取連任，對手有徐子見。
更多港聞
主禮明報校記開學 財爺與學生selfie 寄語校記努力汲取經驗
【明報專訊】培育過千計小記者嘅《明報》校園記者計劃踏入第19屆，噚日喺九展舉行開學暨頒獎典禮，財政司長曾俊華出席並擔任主禮嘉賓。財爺席上繼續... 詳情
【明報專訊】第二屆亞洲玩具展下個月18至20號喺九龍灣國際展貿中心舉行，大會連續兩年都有同慈善機構合作；今年就孖住基督教青年會嘅「玩具銀行」...
詳情
回應拂袖 何君堯﹕被抽水奚落 學生會長﹕說話被曲解 沒侮辱何妻
【明報專訊】嶺南大學新任校董何君堯前晚出席學生會論壇，被學生會會長劉振琳反問「你同你老婆打情罵俏講粗口㗎」後，掟咪拂袖離去。何其後解釋，聽到... 詳情相關新聞
