連續兩年無申請盛事基金 龍獅節港九巡遊表演
[2016.01.02] 發表
【明報專訊】民建聯立法會議員陳鑑林統籌嘅「香港龍獅節」今年繼續喺元旦日舉行巡遊同表演。龍獅隊伍噚日朝早分別到山頂道花園、黃大仙廟廣場同西洋菜街等表演，下晝開始巡遊，由文化中心經廣東道同海防道到達九龍公園廣場，沿途吸引唔少市民同遊客駐足觀看。
陳鑑林：申請唔切
陳鑑林話，龍獅節連續第二年無申請盛事基金，改由機構贊助大約100萬，佢話唔申請基金資助，同前年畀審計署批評無關，只係因為時間夾唔到，申請唔切。
龍獅節曾經連續4屆攞到盛事基金資助，每年攞到約150萬撥款。但係審計署報告前年就批評盛事基金監管混亂，仲揭發龍獅節無同基金申報向兩個關連組織採購，有利益衝突之嫌。舊年開始龍獅節無再申請基金資助。
更多港聞
相關新聞
