曾高呼辭職 黃碧雲對陳章明改觀
[2016.05.27] 發表
【明報專訊】平機會新主席陳章明一上任就捲入唔少風波，民主黨就曾經要求對方辭職。不過，民主黨黃碧雲(圖)噚日同陳章明見面，交流推動性別平等嘅意見，黃碧雲會面後話對陳章明改觀，因為陳章明澄清，有需要為性傾向歧視立法，亦強調立法只係最低保障，平機會會推動相關教育。黃碧雲話，對陳章明願意承諾覺得「歡喜」，見面之後對佢多咗期望同要求。至於仲會唔會叫陳章明辭職呢？黃碧雲就話，既然對方唔願辭職，就唯有監察佢多啲，睇吓佢做唔做到嘢。
黃碧雲會面期間向陳章明提出唔少建議，包括設立中性廁所、就性傾向歧視立法，同埋就性別承認法展開諮詢。黃碧雲話，性別認同喺現今社會變得多元，所以平機會應該更積極進取推動性別平權，唔應該抱住保守畏縮心態。
更多港聞
【明報專訊】立法會議員謝偉俊（Paul）早幾日喺facebook話支持取消強積金、應該研究全民退保，但唔夠一個鐘就刪除咗個post，令大家都...
詳情
職訓局VR教學 模擬搶修機房 自行研發 可更新場景
【明報專訊】VR（Virtual Reality，虛擬實境）技術愈發流行，職業訓練局也自行研發了一套VR教學系統來輔助教學。系統能模擬機房、... 詳情相關新聞
