老友姚思榮胃病 石禮謙介紹名醫
[2016.06.23] 發表
【明報專訊】立法會議員不時要食飯應酬，都要好好注意身體。好似旅遊界立法會議員姚思榮咁，佢半年前胃炎復發，所以食嘢要戒口，生冷、油炸、味道太刺激嘅統統唔掂得，成個人清減咗唔少。佢好友、經民聯議員石禮謙早前就介紹咗一個腸胃肝臟科名醫畀佢識，不過睇一次病要2000幾蚊。姚思榮就話，醫生同佢講，除咗本身胃功能唔好之外，都同壓力大有關係。
其實最近旅遊界別七國咁亂，硝煙四起，相信9月立法會選舉都會陷入混戰。除咗旅行社東主協會會長葉慶寧似乎有意第四度挑戰外，旅遊從業員聯會榮譽會長林少麟、上屆有助姚思榮一臂之力嘅旅遊業議會前主席胡兆英都心思思考慮參選。唔知係咪因為咁，所以壓力太大？姚思榮就笑言無關係，不過都要密密做工夫拉票。佢又話，最近業界新增過百名選民，未必全部係對手，自己人都有唔少貢獻，毋須過分擔心。
更多港聞
【明報專訊】香港回歸19周年在即，「香港各界慶典委員會」噚日公布一年一度嘅慶祝回歸活動，預計200幾項活動會吸引超過30萬市民參加，其中重頭...
詳情
中大環球商業面試題例子﹕「倘在火星 你會做什麼？」
【明報專訊】中文大學商學院的環球商業（Global Business Studies，GBS）以及國際貿易與中國企業（Internation... 詳情
【明報專訊】鉛水風波中，政府為學校驗水時開水喉1分鐘才取水辦，其後鉛水調查報告建議驗「頭啖水」。教育界議員葉建源在立法會提交書面質詢，質疑當...
詳情
相關新聞
