美駐港領事館搞嘢短片拜年

[2017.01.27] 發表

【明報專訊】美國駐香港及澳門總領事唐偉康(圖)受到「觀音大使」指點迷津，成功「點醒」領事館嘅同事？雞年將至，美國駐香港及澳門總領事館噚日喺facebook發布賀年短片，唐偉康用「半鹹淡」廣東話同大家拜年，仲粉墨登場拍咗短片，拯救被馬騮仔「點穴」而被「定格」嘅同事。

短片認真有心思，將觀音、雞蛋仔、馬騮、公雞，同埋點穴等本土同中國文化結合，非常有創意。唐偉康發現領事館同被「定格」無反應，得到畫中觀音指點迷津，發現同事被猴年嘅馬騮仔點穴，所以要搵隻雞去叫醒同事。

唐偉康成功拯救同事後，就同一眾領事館同事用廣東話拜年，仲一齊唱「齊歡唱，『雞』有囍事」。雖然唱得有啲走音，但勝在誠意搭夠。

更多港聞

【明報專訊】之前有藝術工作者以唔同形式為超級市場收銀員同保安員爭取有張「工作座椅」，職工盟亦喺其中一個全港最大超級市場嘅分店調查，喺154間... 詳情