工聯會同抗日老兵睇抗日片
[2017.07.21] 發表
【明報專訊】工聯會立法會議員陸頌雄噚日同老竇、黨友鄧家彪同埋抗日老兵潘江偉、梁平去睇抗日片，就係許鞍華執導嘅《明月幾時有》，電影講抗日時期東江縱隊小鬼隊成員嘅故事。
陸頌雄話套戲拍出咗戰亂時期嘅壓迫感同緊張感，即使當時個個人三餐不繼，都會挺身而出捍衛正義同民族。
陸引述兩個老兵話劇情好真實，潘江偉回想當年，有一次聯絡小鬼隊成員時唔小心畀「日本仔」捉咗，畀佢哋用火柴「烤」問，搞到放番出來醫咗幾個月！
更多港聞
相關新聞
