大坑舞火龍 中秋料有雨
[2017.10.04] 發表
【明報專訊】中秋舞火龍已被列為國家級非物質文化遺產，噚日迎月，大坑坊眾福利會舉辦嘅火龍賀中秋活動，晚上率先喺大坑表演舞火龍，吸引大批市民圍觀。開光儀式噚晚約7點於大坑蓮花宮舉行，點睛後，長達67米、插滿長壽香嘅火龍徐徐起動，約300名大坑居民組成隊伍，沿傳統路線巡遊，經浣紗街、京街等，再返回起點拔香並重新插香。
今年舞火龍表演由3日增至4日，噚晚開始喺大坑上演。今日中秋節，晚上10點45分至11點半喺維園亦會舉行舞火龍活動，不過天文台預測，一股東北季候風今早抵達廣東沿岸地區，今明兩日多雲有雨，市民可能只能喺雲罅之間賞月。
更多港聞
【明報專訊】聽障社群過去爭取電視手語傳譯新聞多年，終於迎來好消息。通訊事務管理局噚日公布，話根據無綫嘅免費電視牌照，指示無綫要由明年7月3號...
詳情
【明報專訊】今屆立法會已經過咗一年，噚日民建聯幾個議會新丁張國鈞、周浩鼎（Holden）、柯創盛、劉國勳同記者茶敘，總結經驗展望將來。早前捲...
詳情
相關新聞
