【明報專訊】政府呢期招攬年輕人加入政府，一齊議政參政，青年民建聯(青民)亦積極向青年埋手，噚日喺facebook上載招募短片，由青民主席顏汶羽(Frankie)同幾名青民成員粉墨登場。呢段片仲hashtag「女神出演」，原來搵咗兩個小花植潔鈴(Elaine)及賴嘉汶(Apple)上鏡，片中大讚青民有幾好，其中Elaine仲伸脷「賣萌」。 小花植潔鈴伸脷 段片喺青民上載6小時，有近1400人睇。Elaine做過鍾樹根議員助理，現時喺東區工作，有傳佢有意喺漁灣邨工作，部署下屆為師父搶番區議會議席，而月前民建聯喺紅館搞25周年會慶匯演，佢有份做司儀。Apple目前就幫梁志祥喺新西工作，佢之前出席一個反港獨集會，以「市民」身分接受網媒訪問，事後被發現佢其實係民記黨員。 曾任鍾樹根議助 傳部署奪回議席 Frankie就話，18至35歲青年加入民建聯後，就會自動成為青民一分子，現身短片嘅成員雖然唔多，但Frankie同Emily講，青民已經有1785名成員，話「愈多愈好」。 片中幾個青民成員接力讀出宣傳字句，話青民肩負培養民建聯下一代嘅責任，又形容今日嘅政策會影響青年嘅未來，青民會搭建平台，畀青年接觸更多社會唔同階層嘅人。
|
| |
| |
;){kind=small}
