摩帥唔肯攻 普巴海鮮一萬年
曼聯足總盃遇熱刺 又爆不和
有些事不需水晶球也可預見，例如球壇昨天最大新聞的雲格宣布季後下台，又例如保羅普巴在曼聯的時好時壞。摩連奴把紅魔球員的不穩定演出，歸咎於不穩定的心態，但恕柏高(再次)直言，假如摩佬繼續一成不變堅持重守不重攻，就算過多一萬年，普巴都只會海鮮波，曼聯都只會屈居曼城之下。
早在普巴去季重返紅魔之初，柏高便分析過，最適合普巴的陣式為4-3-3，讓他擔任左或右中場的8號位，不停上上落落，尤其是後上入楔，才可發揮真正威力，偏偏摩佬不知為何堅守2名墮後中場的陣式，並堅守普巴為2名墮後中場之一。柏高人微言輕，不如直接聽聽普巴在早前曼市打#反勝後的心聲：「在2人中場，很難那樣走位(指扳平一球的插入)，因要留步防控反擊，但若有3人，我知道(尼曼查)馬迪會留守，就有較多自由上前。」
摩佬卸責怪麾下態度欠穩
當然普巴該仗有收穫尚存其他原因，像是藍月領先2球收夠籌(雖然哥迪奧拿否認)，或像是紅魔為面子唔輸得背城借一，惟亦正好反映出曼聯由保守到開放進攻的差異可以有多大。摩佬事後嘲諷哥帥，指對方賽前爆料普巴被經理人拉奧拿向曼城兜售，激起了鬥志。不過事實是，拉奧拿這個見錢開眼的小人，據不同外媒的消息均稱，他根本不斷接觸巴黎聖日耳門(PSG)等豪門。紅魔則要求1.2億至1.4億鎊轉會費，拒絕做蝕本生意。然則，為何打#翌仗同樣的4-3-3，普巴卻再度變屎，紅魔劫富濟貧送分給西布朗？
精明的摩佬自然撇清責任，他表示：「我們很多次在態度上有欠穩定。面對前5直接競敵，我們沒有蝕分，卻失分給升班的隊伍，失分給將會降班或捲入護級戰的隊伍。」先別說管理麾下心態乃教頭職務一部分，倘若真的只要有心，人人都可以係冠軍，那摩佬這份工也未免太易做。不敵西布朗，紅魔徒具4-3-3之形，卻沒有了打#下半場的果敢插入和傳送；對手擺明單箭頭打突擊，紅魔仍擺4、5個人(包括普巴)behind the ball，假如柏高係曼迷都咪話唔眼火爆。
普巴受踢法所限 墮後駁腳成常態
其實用普巴墮後#波唔係大問題，問題係#波之後可以點做。季中普巴#火的那段日子，柏高提過一句他的長傳因#左閘用了勞基梳爾而有了目標，實際上梳爾正選跟普巴有表現的同步率相當高。同一時間，對手亦開始懂得在中線附加搵人對住普巴，離開幾碼防止他加速之餘，亦不會貼身以免他借勢轉身擺脫，於是普巴唯一選擇乃駁腳式橫傳或回後，這種工作柏高都做到啦！
摩佬所言的失分予弱旅並非偶然，皆因中下游球隊泊大巴難免，破大巴則更講求整體進攻配合，但摩佬由始至終皆側重攻兵臨場執生，今季聯賽入球量為前4之末冇得呃人。今天足總盃4強「作客」溫布萊鬥熱刺，理論上普巴(及前線隊友)有較大空間攻入對手防線身後，若然摩佬又玩縮窒就輸實，放膽解除封印則可好睇地輸囉！
