新娘潭現鱷魚仔
[2019.01.12] 發表
【明報專訊】漁護署噚晚係facebook公布，有市民將一條小鱷魚交畀漁護署駐守郊野公園嘅同事，話係大埔新娘潭溪澗發現。小鱷魚長約1尺，健康大致良好，但要等小鱷魚長大後先確認到品種。小鱷魚懷疑被人放生，因為本地並無野生鱷魚。
漁護署發言人話，所有鱷魚都屬於《瀕危野生動植物種國際貿易公約》附錄I或II嘅物種，受《保護瀕危動植物物種條例》管制；喺無許可證或未獲得豁免情况下進出口，或管有鱷魚都係違法，條例舊年修訂後，刑罰已經大幅增加。
小灣鱷「貝貝」2003年喺元朗山貝河被人發現，聲名大噪，澳洲同內地專家其後多個月嘗試捕捉都徒勞無功，到2004年「貝貝」先跌入漁護署員工設置嘅陷阱，最終係2006年搬咗入濕地公園嘅「貝貝之家」，唔少遊人都會去探吓佢。
更多港聞
【明報專訊】繼鄉議局主席劉業強提出引入野豬天敵限制野豬增長後，噚日大埔區議會上，唔少議員亦提出相關建議。不過，野豬嘅天敵即係咩嘢呢？漁護署高...
詳情
相關新聞
