【Emily】准員工留家工作 CY「快過」政府公布
[2020.01.29] 發表
【明報專訊】政府噚日朝早11點20分宣布，為減低武漢肺炎疫情喺社區擴散嘅風險，除咗提供緊急同必須公共服務嘅人員外，其他政府僱員喺假期後留家工作，暫定實行到2月2日(周日)。前特首梁振英(CY)比政府早一個鐘頭喺佢facebook專頁宣布，佢負責嘅幾個公益機構，由今日起員工可以選擇留家工作，或「錯開上下班時間」，避開人流高峰。佢又話，如果有需要返回辦公室，建議選擇非繁忙時段出行。
農曆新年假期可能仍有唔少人到內地過年，資訊科技界議員莫乃光就建議僱主考慮可能出現嘅最壞情况評估風險，密切注意員工離港旅程，例如留意行程及目的地，支援員工未來一至兩個月持續在家工作，檢視遙距工作技術，規劃將日常運作分開喺唔同地方進行，確保有足夠技術應付。
同事去過中山 梁美芬着留家14日
經民聯立法會議員梁美芬同Emily講，佢都畀啲同事留家工作，佢話有個同事假期時去咗中山，雖然中山唔係疫區，但佢覺得安全起見，要同事留家工作起碼14日自我隔離，唔好周圍走。
更多港聞
【明報專訊】新一屆區議會「變天」，部分地區民政事務專員先後因不滿區議會運作而拉隊離場，令人關注政府係咪同區議會關係緊張。民政事務局長劉江華接...
詳情
【Emily】Wi-Fi.HK進駐公院185屋邨
【明報專訊】為推動智慧城巿發展，政府積極推動Wi-Fi.HK服務，政府資訊科技總監辦公室發新聞稿，話現時Wi-Fi.HK品牌熱點數目已逾36... 詳情
【Emily】田北辰又抱孫 「BB口罩邊度買？」
【明報專訊】近期香港發生唔少唔開心嘅事，但實政圓桌議員田北辰近日笑逐顏開，皆因佢大年初三再做外公，大女誕下精靈老鼠仔。田二少同Emily講，... 詳情相關新聞
