【Emily】立會140萬元加裝50 CCTV鏡頭
[2021.01.12] 發表
【明報專訊】立法會2019年7．1當日被示威者衝擊後，有多項措施加強保安，繼近日立法會完成加裝閘機、部分通道增設拍卡機等，行政管理委員會噚日開會，又通過喺立法會加裝大約50支閉路電視鏡頭。Emily聽聞，加裝閉路電視嘅開支大約要140萬元，預料工程要到年底先完成，新增閉路電視鏡頭嘅位置，部分係過去嘅「死角位」，希望可以完善立法會保安。
綜合行管會嘅消息，時任議員許智峯喺立法會搶政府人員手機一案，暴露咗立法會內部分位置係閉路電視都睇唔到嘅，所以今次係按保安專家意見增閉路電視鏡頭，新增位置包括會議室、立法會地下、2樓、5樓，以至正有工程、新增嘅立法會圍欄等。
行管會成員：港成衝擊「示範單位」
近日美國國會被衝擊，據Emily了解，噚日行管會亦有討論多個地方國會近日都好緊張保安問題，考慮係咪要加強，咁立會係咪都要考慮再加強保安呢，有行管會成員話有關議題或會再搵保安公司審視，但笑言現時法國、德國等地加強議會保安，其實都係因為香港立法會被衝擊，「做咗示範單位，領導世界」。
更多港聞
【明報專訊】「35+大搜捕」嘅被捕人上星期四陸續保釋，包括喺民主派立選初選中參選新界東嘅鄒家成，佢噚日喺facebook講番感受。被捕各人都...
詳情
【明報專訊】立法會福利事務委員會噚日討論長者「兩蚊搭車」優惠擴展到60至64歲，好多議員都要求有關部門加強巡查、檢控，加強阻嚇，打擊濫用。負...
詳情
【Emily】逾1500越冬斑蝶聚深水灣 創新高
【明報專訊】每年10月開始，大量斑蝶都會由北面較寒冷嘅地區飛來香港度冬，綠色力量最新調查發現，港島深水灣錄得最多越冬斑蝶，有1566隻，創該... 詳情
相關新聞
