【Emily】交修正案死線 廖長江同官員「講數」
[2024.03.14] 發表
【明報專訊】特首之前提到完成23條立法「早一日得一日」，處理立法嘅立法會法案委員會亦分秒必爭，噚日下晝4點左右完成逐條審議，今朝9點將再開會討論修正案。委員會主席廖長江就同律政司人員「講數」，要官員噚晚9點向立法會呈交修正案中英文文本，搞到律政司人員一臉困擾。
廖長江噚日下晝就問政府，需唔需要多少少時間搞修正案文件。保安局副秘書長廖李可期話，基本上修正案嘅中文稿大部分做起咗，英文稿就需要多少少時間，廖長江建議中英版本一併提交，仲問可唔可以即晚9點前交到。
距離晚上9點其實只有幾個鐘，廖太回應話「我哋盡量做」，但廖長江就話，留意到同場律政司草擬科代表表情，問「你好似有啲困擾，草擬科O唔OK啊？」署理副法律草擬專員黃安敏答「會盡力」。廖太就再嘗試爭取話：「(午夜)12點前啦。」
不過廖長江並冇批准，話因為預計今朝9點要開會審議修正案，要官員早啲交文件，議員先可以睇完文件開會，形容咁樣比較妥當，堅持要官員噚晚9點左右趕起文件，「咁樣做得唔得？」廖太同黃安敏無奈最終一齊點頭答允。
更多港聞
【Emily】M記新辦公室 目標幸福感UPUPUP
【明報專訊】如果辦公室有得任食新地雪糕同踩單車，會唔會令打工仔返工感到幸福啲呢？香港麥當勞用咗一年半時間，為員工打造有趣而快樂嘅工作環境，喺... 詳情
【Emily】向劏房戶介紹簡屋過渡房 何永賢囑「踏出一步」
【明報專訊】「解決劏房問題」工作組推展緊多項工作，作為組長嘅副財政司長黃偉綸同副組長嘅房屋局長何永賢，前晚由民建聯立法會議員鄭泳舜陪同到深水... 詳情
【明報專訊】首次由粵港澳三地聯合承辦嘅第十五屆全運會喺明年舉行，大會徵集會徽、吉祥物、主題口號同音樂作品，入圍同勝出嘅獎金好豐富，其中10件...
詳情
【明報專訊】一周內先後有兩間幼稚園宣布本學年停辦。繼新一代英文幼稚園（屯門分校）上周四公布將停辦，綠茵英文幼稚園（馬鞍山）昨宣布營運至今年7...
詳情
相關新聞
