【Emily】勉DSE生 李：人生唔係短跑 陳浩濂返母校 冀師弟保初心
[2025.07.16] 發表
【明報專訊】中學文憑試(DSE)今日放榜，多名高官噚日都勉勵考生。特首李家超話除咗成績，老師嘅教誨、同學嘅友誼都係伴隨人生嘅珍貴財富，而DSE只係人生旅途其中一站，「旅途中有時順風、有時逆浪，但方向比過程更重要」。佢又寄語「天生我才必有用，行行出狀元」。
李家超噚日出席行政會議前見記者，主動話希望向考生分享心底話。佢強調人生從來唔係短跑，不同升學道路以至就業或創業，都係成功同成長嘅機會。教育局長蔡若蓮噚日分別到筲箕灣官立中學同學友社學生輔導中心為同學打氣，佢話人生有唔同選擇，「條條大路通羅馬」，人生將有無數次重新出發嘅機會。
署理財庫局長陳浩濂噚日就返去母校香港華仁書院，同師弟分享佢會考放榜時嘅心情，以及升學同職業規劃，叫同學勇於探索，最重要「保持初心、堅守信念」。保安局長鄧炳強日前相約屬應屆考生嘅保安局青年領袖，為佢哋打氣，籲同學「拎出5** 嘅自信」迎接下一階段嘅人生。
公務員事務局長楊何蓓茵冀家長、親友、老師、朋輩同社會各界給予考生最大嘅鼓勵、理解同支持，並鼓勵有意服務社會嘅考生了解政府提供嘅就業職位，及早裝備自己。
更多港聞
【Emily】盼美新領事夏末前上任 施大偉：料過程順利
【明報專訊】有傳2019年期間曾任美國駐港澳總領事館政治部主管伊珠麗（Julie Eadeh）將接任總領事，美領館代辦施大偉話，目前仍等待同... 詳情
【Emily】黔體校考察 郭晶晶倡機制為國家隊覓才
【明報專訊】港區人代兼立法會議員霍啟剛同太太郭晶晶早幾日到貴州黔南州三都自治縣同貴陽市，考察當地基層體校發展、教練培訓體系及青少年運動員培養... 詳情
【Emily】成澳洲規劃學會會員 劉國勳盼助推動北都
【明報專訊】向來關注唔少規劃議題嘅民建聯立法會議員劉國勳（圖），噚日喺facebook宣布，佢攞到澳洲規劃學會會員嘅資格，稍後會向香港規劃師... 詳情
【Emily】港大梁偉強獲選歐洲科學院外籍院士
【明報專訊】港大醫學院臨牀醫學學院內科學系教授梁偉強今年獲選為歐洲科學院外籍院士，以表揚佢喺腸胃肝臟科領域嘅貢獻。梁偉強係《基本科學指數》（... 詳情相關新聞
