毛孟靜出書 借普選教英文
[2015.06.17] 發表
【明報專訊】公民黨立法會議員毛孟靜(Ms Mo)食住政改個勢，推出新書《我要真普選》，以政改議題、雨傘運動等事件教大家英文。Ms Mo話英文係搵食工具，非常重要，自己近年落力喺網上教英文，網上學英文嘅人數都翻幾番。
香港作為國際大都會，立法會議員不時都要回答外國媒體嘅提問，不過各議員嘅英文水平都唔同，其中民建聯立法會議員鍾樹根就曾被質疑英文文法錯漏百出，Ms Mo話諗緊應唔應該送一本新書畀鍾樹根。
彭志銘唔贊成送畀樹根
不過，幫Ms Mo出書嘅次文化堂社長彭志銘就話唔應該送，要送都要送畀有用嘅人，「向和尚送梳有咩用？」鍾樹根都算係金句王，有無諗過幫佢出書？彭志銘耍手擰頭話「唔好啦，我哋出好書」。
《我要真普選》已經有售，亦會係次文化堂今年書展嘅重點書之一，每本賣78元。另外，Ms Mo預告喺政改表決發言時會用英文發言，希望國際傳媒都會知道香港情况。
更多港聞
【明報專訊】好快又七．一，為慶祝香港回歸18周年，解放軍駐港部隊將於7月1日開放昂船洲軍營同石崗軍營，歡迎市民參觀。究竟有乜嘢可以見識吓呢？...
詳情
【明報專訊】近10年最高端午頭獎彩金嘅六合彩端午金多寶噚晚攪珠，總投注額高達1億元，攪珠結果係13、16、24、26、40、44，特別號碼為...
詳情
相關新聞
