[昔日明報]
【明報專訊】教育局長吳克儉(右二)上任之後成日出埠，被人形容佢係遊埠局長，但佢今次外遊就政治正確喇，因為佢係帶150多名香港教育界人士參加國慶訪京團。今年係抗戰勝利70周年，吳局長噚日率團去盧溝橋睇吓橋上石獅子，了解呢段抗戰史。
中史科唔係香港中學嘅必修科，但吳局長話政府十分重視中國歷史教育，「除了小學常識科之外，所有初中學生亦必須修讀中國歷史」。佢仲話教育局正研究優化初中中國歷史課程，包括強調「古今並重」，話要豐富近代史嘅內容。
(政府新聞處)
;){kind=small}
;)
