政府九大焦點選區名單出爐
[2015.11.20] 發表
【明報專訊】仲有兩日就係區選投票日，除咗傳媒緊鑼密鼓做足準備功夫，打算派人手到各重點選區守候最新結果，連政府新聞處都「排兵佈陣」 ，安排新聞主任坐鎮各區，協助記者採訪。全港495個票站，新聞處當然無咁多人手兼顧，政府內部就研究出焦點選區名單，預計傳媒會喺九大選區集中採訪。
榜上有名嘅當然有立法會議員參選嘅選區，好似民協馮檢基嘅深水埗麗閣，佢面對工聯會小花陳穎欣及前黨友黃仲棋夾擊，大家都好關注。估唔到大家預咗贏梗嘅民建聯主席李慧琼，同樣被列為焦點區，唔知同佢對手係有奇女子之稱嘅林依麗，以及傘兵沈泰鋒有無關呢。
麗閣龍星利東二入圍
另有兩個選區候選人並非立法會政治明星，同樣獲新聞處特別關照，包括利東二選區嘅民主黨副主席羅健熙，佢今年遭民建聯彭兆基、熱血公民蔡文龍及獨立鄧嘉樂挑戰。黃大仙龍星選區嘅港姐男友林作同樣上榜，今屆挑戰人力譚香文，近日都有唔少新聞，亦成功令新聞處關注。同區仲有何偉權及岳敬寬參選。
選管會周日會喺全港設495個投票站，開放時間由上午7點半至晚上10點半。市民如有查詢，可致電選舉熱線2891 1001，或登上網站www.elections.gov.hk了解投票詳情。
更多港聞
【明報專訊】全國政協副主席、前特首董建華上年成立團結香港基金，但其實佢另一個好重要嘅基金「中美交流基金會」，已經運作咗好耐，只係一直比較低調...
詳情
【明報專訊】政府早前展開為期兩個月嘅「全城清潔2015@家是香港運動」，政府話運動期內接獲200幾個衛生黑點轉介，當中包括民建聯向政府投訴，...
詳情
11人持比立勤博士學位 樹仁稱教員論文不涉抄襲
【明報專訊】國力書院被指幫學生造假以便提前畢業，與國力合作的菲律賓比立勤國立大學（Bulacan State University），樹仁大... 詳情相關新聞
