【明報專訊】近年各政黨都鍾意利用社交網絡打宣傳戰，民建聯都唔例外。繼半年前陳鑑林同曾鈺成、譚耀宗、葉國謙組成「四大長老」拍片打牌論政，噚日再聚首飲茶講政治。今次佢哋就講到國家經濟戰略「一帶一路」，覺得香港年輕人唔及其他國家嘅後生仔咁關心。 曾主席話，舊年前特首梁振英宣讀《施政報告》時，講咗n次「一帶一路」畀議員笑，但之後成班立法會議員去匈牙利訪問時，就發覺當地政府係咁問一帶一路係咩，「好緊張、好興奮」，好在自己嗰時有留意施政報告咁話。 陳鑑林就話，香港人唔係好熱中一帶一路可以理解，因為大家都唔知有咩平台可以參與。呢個時候譚sir就話，「四大長老」應該坐言起行一齊去勻一帶一路沿線國家旅行，唔知下次佢哋會唔會拍條片叫「四大長老去旅行」呢？
|
| |
| |
;){kind=small}
;)
