吳文遠連任社民連主席 黃浩銘獄中連任副主席
[2018.02.26] 發表
【明報專訊】社民連噚日舉行周年會員大會，選出新一屆行政委員會成員，吳文遠連任黨主席，而目前正喺獄中嘅黃浩銘亦成功連任副主席，另一名副主席就由周諾恆擔任。吳文遠話，相信未來嘅日子會非常困難，「但社民連有打不死嘅精神」，指喺政治壓迫下，社民連將會行得更前，亦會協助泛民喺下個月嘅補選中全取4席。
黃浩銘因為2014年佔旺清場期間違反禁制令，早前被裁定刑事藐視法庭罪成，判囚4個半月，現正服刑。雖然阿銘無法出席會員大會，但會員都繼續支持佢做副主席。
吳文遠﹕繼續和平非暴力抗爭
吳文遠話唔會因為政權打壓去改變原則，強調會繼續主張和平非暴力嘅抗爭，去對抗威權管治。佢又話，特首林鄭月娥只係延續梁振英嘅施政，好多香港人都得唔到基本嘅生活保障。
「長毛」梁國雄被取消立法會議員資格後，社民連就無咗唯一一個立法會議席，吳文遠話社民連唔係因為立法會議席而存在，強調該黨會繼續透過抗爭達至根本社會改變。佢又話會就長毛被DQ上訴到終審法院。
更多港聞
【明報專訊】幼稚園和小學早前因應流感肆虐停課，提早放農曆新年假，不少學校也會於今天復課。有幼稚園校長表示，已發信要求家長替子女戴口罩；也有小...
詳情
【明報專訊】理工大學學生會臨時行政委員會向保險公司購買1500萬元儲蓄保險計劃，遭學生質疑其財政運用，亦有報道指該會虛報有3000萬資產以能...
詳情
相關新聞
