34億撥款無計劃 葉建源唔放過楊潤雄
[2018.05.03] 發表
【明報專訊】立法會噚日二讀預算案《2018年撥款條例草案》，教育界立法會議員葉建源同Emily講佢投咗棄權票，話呢刻支持唔到呢份財政預算案。投票之後，葉建源喺會議室外同教育局長楊潤雄傾到指手劃腳，好似好多不滿咁。
葉sir話佢的確係向楊潤雄反映不滿，因為預算案只係講咗會增撥20億元經常開支落教育，加埋上次特首林鄭月娥提出嘅「教育新資源」用剩嘅14億，總共有34億預留撥款，但政府「有銀碼無計劃」，佢擔心無計劃嘅話，嗰筆錢就會使唔到，今年就會白白浪費咗34億，批評政府令教育界非常失望。佢要求楊潤雄提出計劃，用資源改善學位教師比例等問題。
葉sir話，楊潤雄同佢講會同番財政司長陳茂波反映，但呢個回應就令葉sir好勞氣，話佢哋兩個將個波推來推去。
更多港聞
【明報專訊】通識教育科成為高中必修科後爭議不斷，政府成立的學校課程檢討專責小組討論通識科發展方向，有報道指檢討方向包括「只修不考」，或文憑試...
詳情
【明報專訊】通識科自2009年成為高中必修科，一直以來被不同政黨和組織批評，甚至有意見指要取消通識科為必修科，立法會前主席范徐麗泰更曾指部分...
詳情
相關新聞
