【明報專訊】香港眾志會喺今個月25號舉行兩周年黨慶晚宴，佢哋過去一年面對好多風風雨雨，包括黨主席羅冠聰被取消立法會議員資格、黨內唔少成員先後被判監，最近連成員周庭都被取消參選資格，因此眾志決定以「依然勇敢」為黨慶主題，希望大家勇敢地繼續喺民主路上打拼。 眾志秘書長黃之鋒話，今年嘅晚宴同去年一樣，唔會邀請建制派人士，亦都係「無拍賣、有抽獎」，因為晚宴最主要目的唔係籌款。羅冠聰就喺facebook透露，黨慶「將會有真情剖白」。 Emily聽聞，今年眾志黨慶門券分3類，包括「勇氣門券(每張520元)」 、「希望門券(每張720元) 」，以及「無懼門券(每張1300元)」 。去年眾志黨慶非常青春，有羅冠聰同黃之鋒表演唱歌，周庭表演日劇《逃避雖可恥但有用》嘅「戀舞」，唔知今年仲會唔會有類似表演？
|
| |
| |
;){kind=small}
;)
