【明報專訊】粵港澳大灣區規劃《綱要》上月公布，政制及內地事務局早前向立法會提交文件，話有需要盡快成立專職嘅大灣區發展辦公室，並申請開設兩個為期4年嘅首長級編外職位，分別係粵港澳大灣區發展專員及發展助理專員，另外會新開設17個非首長級職位，包括政務主任、新聞主任等。 當中，專員工作包括制定及統籌大灣區整體政策，亦要同中央高層，包括國家發改委、廣東省政府、相關市政府同澳門緊密聯繫，以及制訂整體宣傳推廣策略等，薪金訂喺首長級第六級；發展助理專員就主力協助制訂監督宣傳大灣區發展等工作。政府預計，兩個首長級職位一年開支合共530萬元，非首長級17個職位合共1240萬元。 政制及內地事務局長聶德權忙於大灣區工作嘅同時，日前就去咗屯門，仲參觀屯門公園共融遊樂場，照片所見局長都幾投入，試玩設施，仲話要誠意向有膽識嘅小朋友推薦7米高嘅攀爬塔挑戰自己。局長又話佢聽到有家長提出，希望每區都有共融遊樂場。唔知以後會唔會實現到呢？
|
| |
| |
;){kind=small}
;)
