反修例聯署 校友紛紛相認話舊
[2019.05.31] 發表
【明報專訊】網上近日出現唔少反對《逃犯條例》修訂嘅中學校友聯署，唔少人乘機同校友「相認」。Emily發現，九龍工業學校校友聯署中，發起人包括藝人黃耀明(明哥)同公民黨郭家麒(KK)，兩人都喺1980年畢業，KK同Emily講，當年佢中七畢業，明哥細佢兩屆，應該係中五畢業，因為學校好多班，對明哥冇乜印象咁話。
今次一齊發起聯署，KK話好多人離開母校後都各奔前程，但修例一事令唔少港人走番埋一齊，覺得好欣慰，仲話要搵次捉住明哥傾吓中學回憶。
人民力量譚得志(快必)喺facebook提到，佢就讀嘅瑪利諾神父教會學校，校友包括特首林鄭月娥丈夫林兆波、保安局前局長黎棟國、港區人大代表陳曼琪等。佢同Emily講，林兆波大過佢好多，但在學時已聽過對方計數好叻，對陳曼琪就冇乜印象，又笑言曾經同黎棟國喺舊生活動起衝突。佢憶述當時大約係佔領運動後，選舊生校董成員時，佢向黎棟國講「師兄唔好做咁多陰騭嘢」，黎棟國冇乜反應，但黎身邊嘅舊生都想郁手，結果要時任校長勸交。
更多港聞
前民主黨人成立區政聯盟：同舊黨友好 同某啲人唔啱
【明報專訊】由民主黨前黨員柯耀林同區鎮樺籌備嘅「區政聯盟」，噚日正式宣布成立，29名成員積極考慮年底參選區議會。民主黨退黨潮去年引起熱議，同... 詳情
【明報專訊】工聯會不時開辦各式課程，立法會議員何啟明噚日就喺facebook分享，話工聯會連「暑期淘寶網購全攻略」課程都開埋，會全面講解淘寶...
詳情
相關新聞
