【明報專訊】香港人近排運動充足，康文署一年一度全民運動日噚日舉行，部分官員去到各區體育館同市民一齊運動。民政事務局長劉江華同康文署長李美嫦去�髐E龍公園，欣賞武術示範同市民齊做毛巾健體操，之後又睇殘疾運動員地板曲棍球比賽等。

政府話財政司長陳茂波、環境局長黃錦星、政制及內地事務局長聶德權、運輸及房屋局長陳帆同埋教育局副局長蔡若蓮分別到灣仔、東區、沙田、南區同觀塘體育館參與唔同康體活動。聶德權�鐪b專頁上載相，話去�鱁防b山體育館同市民做身心伸展、跳大繩等運動，又同沙田區運動員交流。佢話運動可以釋放正能量，情緒低落時，運動係良方，佢自己亦有keep住跑步。

去年林鄭前年張建宗有參與

睇番資料，去年特首林鄭月娥、前年署理特首張建宗亦有參與全民運動日，不過噚日政府�儱s聞稿就未有提及佢�]今年有參與。康文署自2009年起每年舉辦全民運動日，並以「日日運動半個鐘 健康快樂人輕鬆」為口號，提醒大家每日運動最少30分鐘強身健體。