【明報專訊】噚日係JUPAS聯招結果公布大日子，之前唔少學系都宣布因反修例運動取消迎新營，但都有學系繼續搞，好似浸會大學傳理學會噚日喺facebook發帖文話，繼續搞迎新營之餘，其間仲會帶新生去近日發生過示威活動嘅地方，以輕鬆方式重塑事件，加深新生對社會局勢嘅了解；若迎新營期間有合法示威活動，仲會帶有意參加嘅新生一齊為不公義發聲。學會希望咁做可教育下一代之餘，又支援到社運。 中大醫學院噚日進一步公布收生成績，經聯招入醫科嘅377名學生逾60%都揀讀中大醫學院，文憑試46分或以上而修讀醫科嘅74名同學仔，超過三分之二都揀中大，醫學(環球醫學領袖培訓專修)仲連續6年成為全港收生成績中位數最高嘅學科。
|
| |
| |
;)
