【Emily】戴耀廷8?5獄中「罷工」 違紀單獨囚禁
[2019.08.08] 發表
【明報專訊】反對修訂《逃犯條例》爭議持續，唔少市民星期一都響應反修例者發起嘅罷工，希望以另類方式向政府表達訴求，原來身在獄中嘅佔中發起人戴耀廷亦有響應。新民主同盟立法會議員范國威(Gary)喺facebook話，噚日朝早去咗大嶼山石壁監獄，公務探訪戴耀廷，對方話佢知自己喺星期一都響應咗全港罷工，拒絕獄方安排嘅工作，而因為咁做係違反監獄紀律，所以𠵱家就被囚禁喺俗稱「水房」嘅獨立囚室入面，暫時未知獄方會有咩進一步處理。
Gary話，同戴耀廷傾咗大約一個鐘，見佢雖然身陷囹圄，外表消瘦，但都無消弭抗爭嘅意志，精神相當飽滿；除咗有唔少時間閱讀之外，戴耀廷每日都會透過收音機緊貼香港「反送中」運動發展，又知道近日警察濫捕嘅情况。
更多港聞
相關新聞
