【明報專訊】反修例風暴至今，問責官員甚少現身公開場合，但政府不能停止運作，繼特首林鄭月娥同食衛局長陳肇始前日去天水圍同大圍後，民政事務局長劉江華噚日亦悄悄落區，去中西區同海味店等商戶傾偈。 民政事務局噚日喺fb上載幾張相，話劉江華噚日去咗中西區探訪各崗位同事，包括民政處、康文署同中山紀念公園體育館職員，了解佢哋近月工作情况兼打打氣。據知呢次落區同每個問責官員要走訪晒18區無關，局長去為同事打氣，係因為見到近日示威活動都有影響唔少康文署場地。 劉江華又喺中西區民政事務專員陪同下，同運輸、傳統手工、飲食、環保回收等行業嘅地區人士會面，又探訪參茸海味、食肆等商戶，聆聽佢哋嘅意見同解釋政府工作。Emily聽聞，唔少商戶反映近排生意下跌，因為遊客都少咗。
|
| |
| |
;){kind=small}
;)
