【Emily】十年一度 昂船洲污水廠本月中開放
[2019.11.01] 發表
【明報專訊】渠務署每年都會舉行開放日，畀市民了解污水設施運作，今年適逢成立30周年，渠務署於11月15及16日罕有開放昂船洲污水廠畀市民參觀，對上一次已經係10年前。開幕禮當日(16日)，渠務署會舉行健力士世界紀錄證書頒贈儀式，確認淨化海港計劃嘅污水隧道，成為全球「最深市區排污隧道」。
淨化海港計劃處理維港兩岸產生約四分之三嘅污水，輸送污水嘅隧道深入地底石層。渠務署話，2015年底啟用嘅二期甲，其中一段由北角至昂船洲嘅污水隧道，最深達到水平面以下163.8米，10月獲健力士世界紀錄確認為全球最深嘅市區排污隧道，趕得切喺開放日舉行證書頒授儀式。
開放當日仲有其他焦點節目，包括公眾導賞團，市民可以參觀污水廠設施，又可近距離觀賞由渠務署自行建造嘅船「淨港一號」，運送昂船洲污水廠處理嘅污泥至屯門曾嘴嘅T?PARK(源．區)，以焚化方式，將污泥體積壓縮至原來體積嘅10%，呢艘船到時都會亮相。
更多港聞
研究：男生愛洋娃娃女生短髮難交友 4歲童有「非常規性別」偏見
【明報專訊】男孩玩洋娃娃、女孩剪短頭髮，這些行為在心理學研究稱之「非常規性別行為」（Gender nonconformity）。香港中文大學... 詳情
【明報專訊】青協青年研究中心「青年創研庫」調查發現，逾半受訪青年有意到海外短期就業，大多希望從事文職、創意或設計工作等，逾七成人認為不容易獲...
詳情
【明報專訊】原定明天（2日）舉行校園「本科入學資訊日」的香港大學，活動改期。校方推出「本科入學資訊站」，明天舉辦3場網上入學講座，入學處將詳...
詳情
相關新聞
