【Emily】浸大收2000愛心口罩 助失明者共融館
[2020.02.11] 發表
【明報專訊】社會唔同階層都急需口罩，浸大創新服務學習中心上星期展開徵集口罩計劃，經中心收集同協調，香港失明人協進會、共融館兩機構已收到有心人所贈嘅近2000個口罩；中心已開始新一輪收集，希望幫更多人。
中心總監陳璧瑩(Cindy)話，唔少有心嘅職員、老師都好關心基層夠唔夠口罩，想幫佢哋，同時又考慮到口罩難求，所以講明計劃係「一個都收，集腋成裘」。佢哋噚日起展開第二階段計劃，喺10幾個收集點再收集新一批口罩，之後捐畀幫助病人及其照顧者嘅NGO。Cindy話已有校友同有心人承諾會捐1.2萬個口罩，會睇番佢哋意願再決定捐畀咩NGO。
中大噚日都將大約100公升「自家製」酒精搓手液送畀15間慈善機構，再派畀長者同弱勢社群，齊心抗疫。
更多港聞
【明報專訊】為紓緩社福界登記護士人手短缺的問題，社會福利署委託香港公開大學開辦全日制登記護士訓練課程。課程分登記護士（普通科）及登記護士（精...
詳情
相關新聞
