【Emily】支聯取消清明獻花
[2020.04.02] 發表
【明報專訊】Emily噚日提到，「限聚令」下支聯會原定周六舉行嘅「清明節獻花」，可能要以4人一組咁做；事隔一日，支聯會就宣布因疫情肆虐關係，決定取消獻花活動，秘書蔡耀昌話今次係歷年來首次取消清明節獻花。
過去30年，支聯會都會趁清明節舉行獻花活動，希望透過獻花，追思曾經為爭取民主而犧牲嘅烈士，表達支持中國民主運動奮戰不息嘅決心。支聯會噚日宣布，無奈決定取消「清明節獻花」，凡訂製咗花牌同已經畀錢嘅團體，稍後會安排退款。
蔡耀昌日前同Emily講，好多六四紀念活動都已經改為喺5月舉行，支聯會亦將會開會討論應對方案。支聯會原定喺5月舉行嘅活動包括「中國對世界的威脅」系列講座、「毋忘六四」31周年長跑，以及「毋忘六四」大遊行。
更多港聞
相關新聞
