【Emily】郭偉強稱陳志全「菊花先生」 慢必轟歧視：要立性傾向歧視法
[2020.07.29] 發表
【明報專訊】陳志全(慢必)早前向工聯會郭偉強提出私人檢控，指控郭喺立法會拉跌佢。郭偉強(圖)前晚喺網上直播，鬧慢必政治炒作，仲以「菊花先生」稱呼佢，疑以性取向嚟攻擊慢必。慢必喺facebook鬧郭偉強歧視，亦再次藉機會提及香港需要《性傾向歧視條例》，唔少民主派人士都聲援慢必。
昨直播話菊花無貶義
Emily試過打畀郭偉強，佢就叫大家睇佢噚晚個直播。郭喺直播再回應菊花論，佢話菊花本身係好嘅嘢，唔存在貶義，「除非你戴有色眼鏡，如果唔係，菊花就係菊花」；仲話自己支持訂立性傾向歧視條例，又話如有人話佢係歧視，「咁就本身係歧視，或者玻璃心嘅歧視」。
張志偉引社工指引提醒郭
郭偉強被私人檢控，前日上庭後，夜晚喺fb開直播，用「菊花先生」稱呼慢必，話佢仲用「菊花團」嚟稱呼慢必嘅支持者。直播中有人問邊個係「菊花先生」，佢就無開名，只係話「大家話畀佢知邊個係菊花先生，菊花茶又好，菊花精又好，咩都好」。
慢必就放咗打咗郭偉強格嘅影片上fb，話「邊個話無歧視？」，並提到香港應該要訂立《性傾向歧視條例》。代表社總出選社福界立法會選舉嘅張志偉就引用《社工工作守則實務指引》，提醒番身為社工嘅郭偉強，有需要致力防止及消除歧視，社工亦認同有需要推動大眾尊重社會不同文化，仲附上社工註冊局嘅投訴表格網址。
更多港聞
【Emily】參選新界東 被問轉軚 李啟迪：修正立場常見
【明報專訊】《香港民族論》曾被指散播「港獨」思潮，有份編撰嘅港大《學苑》前編輯李啟迪，近日轉投「希望聯盟」，走溫和中間路線，佢噚日報名參選新... 詳情
【Emily】黃遠輝卸任房會 愧歉輪公屋變更耐
【明報專訊】有「公職王」之稱嘅房委會資助房屋小組主席黃遠輝（Stanley）下月13日卸任，結束8年小組主席嘅生涯。佢噚日主持任內最後一次會... 詳情
相關新聞
